18 decembar 2011

Mai o varessin pensât di rispuindi cun't'une vilote a une poesie recitade dal autôr, e une vie chê altre. E podopo ju a cjantà cun i fruts che a spetavin il teatri des marionetes ch'al ere in ritart. In chel paisut a je plui voe di fâ che in tancj altris lucs. Bulos i asins.

Buteghes: Isa, Margherita, Mau, Gpiero, Andrea, Gab.

26 novembar 2011

Un strani sabide dopodimisdì. O vin sunât atôr par la place, ma une vore biel al è stât fermâsi tal stand dai cjargnei, la int nus an domandât ancje di ce bande de cjargne ch'o sin. E par finì, par sintîsi come a cjase o sin lâts a cjatà i alpins. E ancje lì un pôc di folk.

Buteghes: Margherita, Mau, Gpiero, Michela, Andrea.

12 novembar 2011

Wiener Schnitzel, spetacul dai cogos. No covente altri. A si, la bire autriache buine come lassù. E tante ma tante int legre. E nô ju di folk. Un siôr nus à cjantât une gnove (par nô) version dal "Puint di Braulins" che o zontarìn tai spartîts.

Buteghes: Isa, Claudia, Margherita, Mau, Gab, Andrea, Manolo.

5 novembar 2011

La pluvisigne a no ferme la procession laiche par la Vie di Nadâl di Avian. A la fin o vin sunât in tal rinfresc che i brâfs organizadôrs e an preparât tal capanon da la sagre.

Buteghes: Gpiero, Margherita, Isa, Mau, Gab, Andrea, Manolo.

29 otubar 2011

Dopo vê partecipât al medioevo di Voleson o sin lâts a sunà a la cene tal magazin da l'associazion. Il folk al stâ ben ancje tal mieç di besties e tramais di fiêr e len dal teatri medievâl.

Buteghes: Isa, Gpiero, Margherita, Mau, Gab, Andrea, Claudia, Giacomo.

25 otubar 2011

Il bon Paroni, tornât in te sô trasmission, nus à di gnûf clamâts par sunà e nô contents lu vin fat. Nus à domandât di fâ un tocut di folk a sorprese par fâ viodi che nô no doprìn discos, ma dome mans e vôs. E ju capeles! Cui si esal inacuart che si scambiavin ogni toc i cjapiei?

Buteghes: Gpiero, Isa, Margherita, Mau, Gab, Andrea, Manolo.

25 setembar 2011

Nol ere un scherz, nus àn clamâts pardabon. Il folk furlan in Emilie, ma a son fûr dal dut. Nancje par insium, a son fuars e vonde, grandissime ospitalitât e gjenerositât. O vin compagnât come in procession i tratôrs che puartavin i brantiei e l'ùe in te place e dopo a timp di folk i fruts e an folât e torclât. Nissun varà capît nuje ma si sin divertîs une vore. E pal viaç viers cjase nus an dât ancje lambrusco e gnocco fritto. Ce passude.

Buteghes: Isa, Gpiero, Margherita, Manolo, Mau, Andrea, Michela, Claudia, Giacomo.

17 setembar 2011

La sûr dal mestri a je jentrade uficialmetri tal mont dai mestris e nus à invidâts a fâ fieste, cun i Tradmod e altris amîs. Biele lungje sunade in grum e tante ligrie.

Buteghes: Isa, Gpiero, Margherita, Mau, Andrea, Claudia, Giacomo.

11 setembar 2011

Cun coragjo e fuarce si sin jevâts adore par fâ di gulizion cun strissules, formadi, fertaes e un bon taj di neri a 7 di buinore. Une vilote nô e un toc la bande di Mures, e vie indevant fin 9 passades.

Buteghes: Mau, Margherita, Isa, Andrea.

3 setembar 2011

Les buteghes in version un pôc strache e an puartât un pôc di folk in te vere e sole fieste dal paîs di San Danêl.

Buteghes: Isa, Gab, Mau, Margherita, Andrea, Michela.

16 luj 2011

Folk furlan ancje in val Resie. Aj, peveroncin di Tulmieç, vueli furlan e vin di Valerian par un apuntament di "Slow food", Mangja ben planchin, e nô vie di vilotes.

Buteghes: Andrea, Mau, Margherita, Isa

9 luj 2011

Dopo vê screât la panchine o vin festegjât la tierce edizion de fieste dal borc vecjo di Vil di Var, magari o varin sunât pôc, ma mangjât e bevût si po'veh. Biele int.

Buteghes: Gpiero, Margherita, Isa, Claudia, Andrea, Mau, Giacomo.

1 luj 2011

Dople fieste, cheste volte in Friûl, ma cun mangjà marocchin, tant bon che mai. La tradizion a val par ducj i popui e ducj o vin di rispetale. Il Raffo al ere tant content che j rideve ancje il... e cetant ninine la nuvice!

Buteghes: Claudia, Gpiero, Michela, Andrea, Mau, Margherita, Gab, Isa, Br1, Giacomo.

11 jugn 2011

O vin sunât a la cene dai scampanotadôrs, ch'a erin vegnûs a Cividât di dute Italie. Nus an ancje invidâts a sunà in Emilie, sperin dome che si impensin di tornà a clamanus...nus mancje dome il pulmin des Buteghes...qualchidun and'ajal un che i vanze?

Buteghes: Claudia, Gpiero, Andrea, Gab, Mau, Manolo, Margherita, Michela, Isa, Giacomo.

28 maj 2011

Fin lajù per fa fieste ai doi amîs des buteghes. Gab al à fat un liron cun bidon, spali e un mani di scove cirûs cun fadie atôr, ma si è rot prime di tacà a sunà, cussì al a scugnût rangjasi cun't'une pianole. Il dì dopo o vin sunât "Ven fûr nuvice" devant de nuvice e de sô famèe.

Buteghes: Isa, Gab, Gpiero, Margherita, Claudia, Giacomo.

14 maj 2011

E come l'an passât o vi sunât par daûr dai chioscos de fieste plui grande dal mês di maj. La int che lavore e à plui bisugne di folk di chei altris. E ce gjenerositât!

Buteghes: Claudia, Gpiero, Andrea, Mau, Margherita, Isa, Giacomo.

14 maj 2011

O vin screât cun i amîs dal puest la gnove panchine di vie borgo vecchio (ex Borc dai pulz, cumò Beverly Varmo) cun t'une cjantade furlane. Juste scjaldâts par là a...

Buteghes: Claudia, Gpiero, Andrea, Mau, Margherita, Isa, Giacomo.

1 maj 2011

Su la culine di Cumierç, di front da la glesie, o vin gjoldût de primevere e de ligrie de int di Cumierç. Une biele sagre di une volte. E podopo Mau Buteghe nus à fat une scampanotade. Bulo! Nus mancje chê di sunà sun't'un cjampanili cui scampanotadôrs.

Buteghes: Claudia, Andrea, Mau, Manolo, Isa, Michela, Gab, Gpiero, Margherita, Giacomo.

25 avrîl 2011

Ancje chest an a sunà a Savoneles, fieste gimulade cun Pignan parceche a cole in te stesse dì. No si pues mancjà. E chest an ancje Giulio cun nô.

Buteghes: Claudia, Gpiero, Andrea, Gab, Mau, Manolo, Margherita, Michela, Isa, Giacomo, Giulio.

24 avrîl 2011

Tal dopo di misdì di Pasche o vin sunât alc in te fieste di Pignan e o vin ancje fat i auguris di complean a Mau montant su sul palco (incredibil).

Buteghes: Claudia, Gpiero, Andrea, Gab, Mau, Manolo, Margherita, Michela, Isa, Giacomo.

27 març 2011

Dopo dôs setemanes o tornìn a Lignan, cheste volte par la int che finis la corse dal mâr, ch'a finis tal parco Hemingway. E dopo vin e pansete su la gridelle.

Buteghes: Andrea, Gab, Manolo, Isa.

20 març 2011

Il Don al a subît la sô stesse fieste. Al ere scuasit dut il paîs in te latarie par lui. E nô a sunà. E i vin dedicât il plevan di Malborghet, o sin sigûrs che dome lui al podeve acetalu, grant omp.

Buteghes: Claudia, Gpiero, Andrea, Gab, Mau, Manolo, Margherita, Michela, Isa, Giacomo.

6 març 2011

O sin lâs ancje chest an a sunà par la int in code a Lignan, biele zornade, blancuts e vongules a manete par les Buteghes. Bulos i organizadôrs e ancje gjenerôs.

Buteghes: Gpiero, Claudia, Andrea, Margherita, Michela, Isa, Gab, Mau, Manolo, Giacomo.

19 febrâr 2011

I nonos a vevin gole di fâ fieste mescherâs e nô o vin sunât e balât cun lôr. La zoventût a plâs ai siorus e a les siorutes...nomo Manolo?

Buteghes: Gpiero, Claudia, Margherita, Isa, Andrea, Gab, Mau, Manolo.

18 febrâr 2011

Inaugurazion dal albergo-ritorant-pizzerie dai gjenitôrs di Br1 buteghe a Medun, tante int e une sdrume di robe di mangjà, ancje la pizza cun i çevapcici. Alì vie pe gnot si viodin propit dutes les steles.

Buteghes: Br1, Margherita, Andrea, Gab.

16 Genâr 2011

O sin stâs tal dopodimisdì, dopo la cucagne, a fâ un gîr a Bordan. O vin sunât alc dopo i Rapeçâs e o ringraziîn il lôr liron par venus compagnât in tes primes vilotes.
Biel viodi rivà il mestri Gianpero de montagne lì dongje cun la tute di sci e mangjà muset e lujanie cun les mans tra une cjantade e chê altre. Frêt un grum ma cjalde la int dal chiosco.

Buteghes: Maurizio,Manolo,Andrea,Isa,Gianpiero, Margherita,Michela,Claudia.

8 Genâr 2011

A Tramonti di Sot e an la tradizion di partì de place compagnâs di une cornamuse, fâ il gîr dal paîs, rivà in tal centro sociâl par la cene ducj insieme e dopo piâ l'Avent. Grande sodisfazion, o vin sunât cun e sence cornamuse e, in compagnie di Giulio, Patrizia e cualche violin dai Tradmod o vin fat avonde tart tal braç dal folk.

Buteghes: Maurizio,Manolo,Andrea,Isa,Gianpiero, Margherita,Michela.

6 Genâr 2011

Par tradizion o nin a scjaldasi devant dal fuc dal Avent a Savoneles. Come il "pifferaio magico" o vin compagnât la int de latarie fin devant dal fuc, li che nus spetavin brulè e cjocolate. E dopo ancje cuatri vilotes tal cjaldut de sale de latarie.

Buteghes: Claudia,Gianpiero,Andrea,Elisa,Isa,Maurizio,Br1, Manolo,Michela,Emma.